الخميس، 30 مايو 2013

شاب معتقل من خلف قضبان "طرة": أنا "هتمرد" لأن الرئيس يقتل أحلامنا

أرسل إسلام الفولى الطالب بكلية الحقوق والمعتقل حاليا بسجن طرة بتهمة الانتماء، رسالة لأصدقائه عبر فيها عن دعمه لحركة تمرد والأسباب التى دفعته لذلك.



وقال الشاب المعتقل فى رسالته:



لما يوجد فى بلدنا حكومة ورئيس يقتل أحلام الشباب فأنا "هتمرد"

لما نتعامل فى بلدنا مثل العبيد فأنا" هتمرد "

لما "اللى" يقولون عليه رئيس وما "يسمعش" غير لأهله وعشيرته فأنا "هتمرد "

لما أشوف الظلم فى كل نفس وكل نسمة هواء فأنا "هتمرد"

لما الثوار "يعتبروا" بلطجية والبلطجية "يبقوا" من أصحاب المناصب فأنا "هتمرد"

لما دم الشهيد أصبح سلعة للاتجار فأنا "هتمرد"

لما نساء بلدى تهان من مدعى الإسلام فأنا "هتمرد "

لما تهان مؤسسة القضاء فأنا "هتمرد"

لما يحكم بلدى مكتب إرشاد وجماعة محظورة فأنا "هتمرد "

لما رئيس الدولة يكون كذاب فأنا "هتمرد"

لما يكون عندنا جبهة إنقاذ منقسمة على نفسها فأنا "هتمرد"

لما بطش الداخلية يفوق الوصف ويصبح أمالهم الانتقام من شباب الثورة فأنا "هتمرد"

لما اقتصاد بلدى وصل لمرحلة التسول من دولة أقل مكانة فأنا "هتمرد"



"هتمرد علشان أعيش"

"هتمرد علشان" اسم مصر أم الدنيا "يرجع تانى"

"هتمرد علشان" بغير على اسم دينى الإسلام دين التسامح والمحبة

"هتمرد علشان" أسقط تجار الدين

"هتمرد علشان" أسقط رئيس كذاب فاشل

"هتمرد علشان" أنا مش من الأهل والعشيرة

"هتمرد علشان متحكمنيش" جماعة حقيرة

"هتمرد" على الظلم "هتمرد" على القهر "هتمرد" على الفقر

"هتمرد" على الخرفان "هتمرد" على عالم جبان

"هتمرد" علشان أنا مصرى حر












via أخبار عاجلة http://www.youm7.com//News.asp?NewsID=1090176

ليست هناك تعليقات:

إرسال تعليق